Wimbledon одамна не е само тениски турнир – туку и еден од најголемите fashion моменти на летото. Секоја година, трибините изгледаат како мешавина од спорт и high fashion, каде познатите доаѓаат со внимателно избрани летни комбинации.
Оваа година повторно доминираше класичниот „tenniscore“ стил – бели фустани, ленени костуми, минимални детали и многу елегантна едноставност. Познатите изгледаат како да се дел од самата атмосфера на турнирот: свежо, чисто и без многу претерување.
Многу ѕвезди се држеа до сигурната формула – светли тонови, природна шминка и лежерни, но скапи изгледи што совршено се вклопуваат со Wimbledon етикетата. Други, пак, додадоа мал моден ризик со интересни кроеви и модерни детали, но сепак останаа во рамки на класичниот летен стил.
Она што секогаш е интересно кај Wimbledon е тоа што дрес кодот влијае и на публиката. Дури и гостите кои не се познати често изгледаат како да се дел од модна ревија, а не спортски настан.
На крајот, Wimbledon повторно потврди едно нешто: понекогаш најсилниот моден statement е едноставноста.
