Фудбалерите на Црвена звезда стекнаа предност од 1:0 пред реваншот од плејофот за место во осминафиналето на Лигата на Европа и оствари историска победа во Лил – прва во историјата на српскиот клуб како гостин во Франција.
Одличната тактичка игра на тимот на Станковиќ можеше да донесе уште поголема предност од голот, но промашувањата на Лучиќ и Арнаутовиќ го спасија Лил од дебакл на домашен терен.
Победничкиот гол, кој во голема мера ја доближува Црвена звезда до место во осминафиналето, го постигна нигерискиот интернационалец Франклин Тебо Учена во последните моменти од првото полувреме.
Реваншот е на 26 февруари од 18.45 часот на стадионот „Рајко Митиќ“ во Белград, а поради фактот што вечното дерби е веќе во недела од 17.00 часот и доаѓањето на Партизан на „Маракана“, тренерот Дејан Станковиќ ротира и задржува неколку важни играчи за тој натпревар.
